وقت الطهي: 40 دقيقة
المقادير: كيلو الا ربع لحم غنم بعضمه
ولعمل التتبيله
بصلة متوسطة
فصين توم
طماطماية صغيرة ـ مفرومه
ملح وفلفل
ممكن اضافه ورق لورا ـ وحبه البركه
3 معالق كبار خل ابيض
التحضير: نغسل اللحمه كويس
حنتبل اللحمة انا بتبلها ساعه او اكتر
بعد كده نشيل اللحمة من التتبيلة كويس اوى
الطبخ: كده نحط التتبيلة دى فى مصفا ونصفيها كويس اوى علشان حناخد مايتها نحطها على اللحمة
وحطيناها على اللحمة
نلف الصينية بورق الفويل كويس وندخلها الفرن على حررارة عالية لغاية لما تستوى اللحمة تلات اربع سوا
او ممكن ندخلها فى سيخ الفرن ونفتح عليها الشوايه
بعد ساعة الا ربع تقريبا ولسه فيها شوية ميا ومستوية تلات اربع سوا
حندخلها الفرن تانى تكمل سوا بس من غير غطا علشان تتشوى
بعد ما خلصت خالص انا ما بحبش اغمق لونها عن كده علشان مش تنشف طبعا لو عايزاها اغمق من كده نحطها تحت الشواية تاخد لون اكتر من كده
نكون مولعين فحمة نحط ورقة الومنيوم صغيرة فى وسط الصينية
نحط عليها زيت او سمن ونحط عليها الفحمة ونقفل عليها بالورق الفويل كويس علشان تاخد ريحة الفحم
وبعد كده نحطها على بقدونس
وبالهنا والشفاء
التعليقات: 0
Post a Comment